Fägi-Musig

Gründungsjahr 1982
Vereinstyp Guggenmusik
Anschrift Fägi-Musig
Link zur Website
Beschreibung

Syt über 40 Joor duet d'Fägi-Musig d'Fasnacht vo dr andere Sitte gniesse. Mir sin e glaine aber e faine Huffe, vo interessierte Musigfans, wo gärn s'musikalischs Könne duet bearbeite. An Umzüg laufe und uff Bühne spiile, das ligt uns nid. Für das sin mir z'klyy. Drfür basse mir in e mänge Käller ihne, oder au in e Beiz. Und dört findet für uns dr gröschti Teil vo dr Fasnacht statt. Mir beweege uns au uff dr Gass und sin frey im Syy. Bi uns kennt e jede dr ander, dorum isch s'Vereinslääbe e scheens, wenn mir im Summer au e Mol für uns e Daag ohni Instrumänt dien verbringe, oder im Proobe-Wuchenändi im Novämber am Oobe no zämmehogge. Regelmässig entstöhn Diskussione über d'Musig, Note, dr Verein; Und mir sin allewyyl offe, au Veränderige ahzgoh.

D'Fägi-Musig isch dorum nid nume e Fasnachts-Verein. Das seht me au scho draa, as mir nid glyych viel Üebig hän wie anderi, im Gliichschritt z'laufe. D'Fägi-Musig isch e musikalischi Ufgoob, e Seelewärmer und mängisch au e neue Horizont, immer mitem Besträäbe, meh Musig in d'Wält ihnezträäge.

Mir freue uns uf jede und jedi, wo die Fägi-Musig wyterträäge.

Freitext

Mir sueche neui Mitglieder, wo s mit dr Musig e weneli ärnschter maine. Numme drby sy, länggt ys nid. Jede Mittwuch ab de halbe achti probe mir im Klybeck-Casino bi dr Kaserne. Du bisch allewyyl willkommè um iine z loose oder au grad mit z spiilè. Hesch Luscht bikoo? Schriib em Sebastian über vorstand (ätt) faegimusig.ch Es loohnt sich bestimmt.

Frauen/Männer Gemischt Frauen und Männer
Übungstag Mittwoch (4 x Monat)