Grandbaleeser 2020

Gründungsjahr 2020
Vereinstyp Pfeifer & Tambouren
Anschrift Grandbaleeser
Spalenberg 58
4051 Basel
aleunam1 ät gmx.ch
Obfrau/Obmann Manuela Renner
Beschreibung

GSCHICHT VO DE GRANDBALEESER 2020

Zwai langjeerigi Pfyffer- und Dambuuregruppe, d Luuskaibe, grindet im Joor 1969, und d Muschgetnüssli, grindet im Joor 1980, hänn sich no zwai Joor Verloobigszyt entschlosse, z hyyroote und ab dr näggschte Fasnacht under aim Cliquenamme, ebbe GRANDBALEESER, gmainsam Fasnacht z mache!

Glyy no dr erschte gmainsame Fasnacht, allewyyl no under de aagstammte Cliquennämme Luuskaibe und Muschgetnüssli, hänn die Aggtive bald emool gmerggt, ass d Harmonie stimmt und ass me kennt zämmegoo und underem e neije Cliquenamme Fasnacht mache.

S isch nit Ooni gsi, die baide Cliquetraditioone under ai Huet z bringe, aaber danggere guet funktionierende Findigskommissioon isch bald emool e machbaars Konzäpt gschriibe und voorgschtellt woorde, ass drnoo am Donntschtig, 2. Juli (ooder uff Baseldytsch gsait Haimooned) 2020 in Saal vom Restorant Mägd zer Grindigsversammlig het kenne yyglaade wäärde.

Bim e guete Ässe, guetem Wyy und bi guete Diskussioone isch drnoo am viertel voor achti z Oobe die neij Clique «GRANDBALEESER» grindet worde.

GRANDBALEESER, en alten Ussdrugg vo de “Chnulleri oder Chnuschti” vo dr Bachgass (Ryygass), me kaa au saagen en Ussdrugg vo dr Höschsprooch, sinn Groossbasler! Me het dää Namme under vyylne ussgwäät, well die baide Clique Luuskaibe und Muschgetnüssli iir Domizil ebbe im Groossbasel hänn. Dr Cliquekäller vo de Luuskaibe, ooben am Spalebuggel, blybt bistoo, wird aaber in noocher Zuekumpft «GRANDBALEESERKÄLLER” haisse.

 

Pfeifer/Trommler Pfeifer und Tambouren
Frauen/Männer Gemischt Frauen und Männer
Cortège Wir nehmen am Cortège teil.
Übungstag Donnerstag (4 x Monat)
Keller Wir haben einen eigenen Keller