Also Sinn und Zwägg vo unserem Vereinli isch, wie d'Bezeichnig Fasnachtsclique jo scho vermuete losst, dr Fasnacht z'fröhne. Ganz wichtig isch uns drbi s'vor allem glatt z'ha zämme. Sig's a de Probe, gmeinsame Aläss underem Joor odr denn natürlig als absoluts Highlight, an unserer gliebte Fasnacht. Mr wänn zämme die schönschti Tradition überhaupt pfläge, aber im ene gmietlige Rahme. Mr mien kai Riiserepertoire ha und wenn's mol drnäbe dönt, könne mr drüber lache. Bi uns goht's allgemein nit so stur zue und Toleranz wird bi uns gross gschribe.

Mir wänn eso zämme Fasnacht mache, ass es jedi und jede ka gniesse.