Mir sueche Pfyffer/Inne, Vordrääbler/Inne, Drummler/Inne

Wottsch an dr Fasnacht tolli Zytt ha und tolli Musik mache? Mir sueche Di !

Villicht hesch uns jo im Fasnachtsquerschnitt vom Telebasel scho gseh und bisch neugierig worde, wär mir sin?!

Mir hän ys im Friehlig 2023 offiziell gründet und drum nonig gross, aber mit vollem Engagement und Härzbluet drby.

Mir iebe im Momänt allewyyl am Zyschtigoobe in dr Clarastroos. Dambuure sogar uff dr Drummle.

Mir laufe dr Cortège. Dr Fasnachtszyschdig isch frei.

S Repertoire isch e rächt guete Mix vo klassische Märsch, het aber au aaspruchsvolleri, neueri Stückli drby zum Vorwärtsko.

Unseri Jungi Garde isch au scho flyssig am Iebe und freut sich uff Zuewachs. Wenn de also nonig Erwaggse bisch, sondern no e glaine Gnopf oder Teenager, denn bisch genauso härzligg Willkomme bi uns!

Fir meh Info, mäld di eifach bi uns: info@phenix-basel.ch

Instagram:

phenix_basel

jungi_phenix

Facebookgruppe Phenix:

www.facebook.com/groups/713980800363935/

www.phenix-basel.ch

Flieg mit uns in d Fasnachtswält - ob Jung oder Erwaggse - kumm zu uns go yneschnuppere