D Quer und Chrüz Fäger (QCF) sin im Summer 2017 im QCF-Cliquekäller gründet worde. Es git uns eigentlig scho bitz länger, eifach unter anderer Konstellation. D QCF resultiere nämligg usere Fusion vo de Pischtefäger us Basel und de Quer und Chrüz Waggis (QUCW) us Kaiseraugscht.

D Pischtefäger beriichere d Basler Fasnacht scho sit em Joor 1962. D QUCW sind im 2010 in Kaiseraugscht gründet worde. Bis zu de Fusion händ d QUCW nur an de Fasnachtsumzüg uf em Land teilgnoo. Näbe Kaiseraugscht sin au jedes Joor d Umzüg in Prattele und Allschwil uf em Programm gstande. Joor fir Joor isch aber d Sehnsucht, au emol an de "Drey scheenschte Dääg" in Basel dörfe mitzmache, grösser worde. Glücklicherwiis hän sich die zwei Clique gfunde.

Mir, die neue Quer und Chrüz Fäger, fraie uns sehr euch in Kaiseraugscht, Allschwil und in Basel an dr Fasnacht aazträffe.